Son peixes alongados e comprimidos lateralmente, cun corpo moi potente e esvelto. Presentan dúas aletas dorsais e pequenas aletas accesorias na zona caudal, chamadas pínnulas. Teñen a aleta caudal moi bifurcada. Son bos nadadores, xa que viven en augas abertas, e depredadores veloces. Pertencen a este grupo peixes tan emblemáticos como o atún ou o bonito, aínda que, como aquí centrámonos nos peixes que podemos ver mergullando, falaremos da rincha.