A o boca rubia é normal velo agochado entre as rochas, probablemente acompañado doutros da súa especie e próximo a nécoras e farros. Xeralmente está tranquilo a menos que nos acheguemos demasiado.
É moi sinxelo de identificar pola coloración da súa boca. Miden arredor de 15 cm, aínda que é frecuente ver exemplares de "gran tamaño" que chegan a superar os 20 cm. Corpo robusto e alongado con manchas maiormente escuras, alternando granates, marróns e ocres.
Adoitan ter estendidas as súas aletas dorsais (a primeira un pouco máis elevada que a segunda), permitindo ver un fermoso xaspeado que alterna as cores verde,
Nas meixelas, como todos os góbidos, ten varias papilas que forman padróns rectilíneos, trátase de pequenas linguas sensoriais e secretoras de moco. Quizais na boca vermella, polo seu tamaño son máis fáciles de ver que noutras especies.
Hai estudos que demostran que os góbidos emiten sons ameazantes no comportamento defensivo. A boca vermella é a que ten maior repertorio, podendo emitir ata catro frecuencias/secuencias de sons diferentes, úsana como aviso para protexer o seu territorio xusto antes do enfrontamento.
Está presente en calquera punto de mergullo que teña rochas, é fácil atopar múltiples exemplares e de gran tamaño nalgúns puntos non costeiros como Cabo de Mar, Frapelo ou Cenoiros.