Forman un grupo moi numeroso entre os crustáceos, con máis de 10.000 especies diferentes. Non presentan unha coiraza ríxida como os decápodos, pero tamén teñen o corpo segmentado e con múltiples apéndices. Inclúen especies mariñas, terrestres e de auga doce; e moitas das especies mariñas son parasitas de peixes e de outros crustáceos.
A maioría son de moi pequeno tamaño, pero imos falar dun que se pode observar facilmente a simple vista e que, ademais, para desgraza dos peixes, é bastante habitual.