Pecios

Ecosistemas por accidente

A forza do Atlántico e un litoral accidentado como o galego fan que estas costas sexan a tumba de moitos barcos que agora descansan sobre o fondo mariño. Estes restos somerxidos, que adoitan degradarse con rapidez debido á acción do mar, non só son testemuñas mudas dunha historia desafortunada, tamén se converten en arrecifes improvisados onde a vida ábrese paso.

Visitar os pecios é como asistir a un museo vivente onde as chapas oxidadas locen gorgonias e anemones como unha segunda pel e os furados comunican con espazos agora habitados por congros e lumbrigantes.

A silueta a contraluz do perfil do barco afundido é o primeiro contacto visual con estes restos submarinos. Unha imaxe impactante que reflicte á perfección a forza do mar.

Os espazos, agora ao descuberto, do interior dos pecios convírtense co paso do tempo nunha lembranza lonxana do que un día foi o fogar da súa tripulación.

Os bordos das chapas oxidadas son bos lugares para atopar vida interesante de pequeno tamaño e non adoitan faltar as lesmas de mar ou as planarias. Na foto, un exemplar de Luisella babai.

Os congros (Conger conger) son un dos habitantes máis habituais nos barcos afundidos, aínda que lumbrigantes, centolas e polbos tampouco perden a oportunidade de atopar refuxio e alimento nestes particulares lugares.

A súa ubicación como unha estrutura que sobresae no fondo non só atrae a presenza de moita vida, tamén actúa como un accidente no que moito do lixo mariño engánchase deixando a pegada do noso impacto actual na contaminación do océano.

O Achondo probablemente sexa o pecio máis visitado na ría de Vigo e un dos poucos que conserva todavía unha estrutura recoñecible, aínda que o mar o vai transformando ano tras ano. 38 metros de eslora pousados sobre o costado de babor deste pesqueiro vasco naufragado no 1986 (foto de Joserra de 1987).

Pola súa historia e misterio, os pecios son un dos puntos máis atractivos de visitar para as personas que mergullan e ofrecen a posibilidade de curiosear en cada un dos seus recunchos.