Os escifozoos, tamén coñecidos como medusas típicas ou medusas verdadeiras, pasan por fase de pólipo e de medusa, aínda que é esta última a que cobra maor importancia e na que, como medusas libres, son máis fáciles de observar. En Galicia é máis habitual atopalas na praia, cando chegan arrastradas plas correntes ou os temporais de maneira puntual, que mergullando, onde rara vez aparece algunha especie.
O seu desenvolvemento segue o sentido contrario á maioría das especies mariñas (que despois dunha fase inicial de larva nadadora acaba volvendo ao fondo do mar para vivir como adulto unido ao fondo), xa que as súas larvas se fixan ao substrato para medrar como pólipos que darán lugar ás medusas adultas de vida libre.